Skárri er RS en MS

Jæja, nú fer maður að detta í jólin. Það er hálfgerð brotlending inn í jólin að vera úti á ráðstefnu í 9 daga skömmu fyrir jól. En ég held að þetta sé allt að koma.... Ég held að húsið okkar sé það minnst skreytta í götunni (sko! nágrannasamkeppnin byrjuð!), ætli maður hendi ekki upp einhverjum seríum í dag. Svo ke,mur Gerða systir seint í kvöld frá Bretlandi.

AGU ráðstefnan í San Francisco var vel heppnuð. Þetta er frábær borg. Við Matthew á Veðurstofunni leigðum okkur bíl einn daginn og skruppum að skoða risafurur og fjallendi skammt norður af SanFran. Í risafuruskóginum var svo kalt og rakt að það var eins og að vera í ísskáp. Mest sótti barinn þetta árið var Írski bankinn (theirishbank.com). Það er gott að eiga sér "hverfispöbb" í hverri borg! Annars vorum við aldrei alveg til lokunar (1:30) sem er allt annað en fyrir 2 árum þegar okkur íslendingunum var kastað út 3 daga í röð! Ætli maður sé ekki farinn að mýkjast aðeins - 120 kallinn!

Ég skrapp á gaukinn í gær á jólatónleika Xins. Maður "skreppur" kannski ekki þegar það tekur 20 mín að keyra aðra leiðina? Það var gaman að sjá strigaskóna rokka vel og Dr. Spock voru frábærir. últratekknóbandið Stefán var líka flott. Hver hljómsveit spilaði bara 3 lög þ.a. þetta voru hálfgerðir sýnishornatónleikar - kannski verður þetta svona framvegis til að fólk geti farið út að reykja reglulega? Æ nei nei.

Krakkarnir? Bara flottir. Ragnheiður er búin að vera með leiðindakvef í nokkra daga, hugsanlega með RS vírus segir læknirinn. En hið forkveðna spakmæli á enn vel við: Skárra er að vera með RS en MS!

yfir og út
i-rod

San Francisco

I San Fran er gaman. Er her a radstefnu med naestum heilum kopavogi - 15000 manns. Stift program en samt nokkud gaman.

yfirut
i-rod

Nafnið er Ragnheiður

Jæja, "litla títla" heitir nú Ragnheiður Hvanndal Halldórsdóttir. Nú er bara að venja sig af gamla nafninu. Skírnin var haldin heima á Vesturholti og heppnaðist bara vel. Það er hollt og gott að halda svona veislur heima - það er rekur mann til að gera alveg heilan helling sem maður hefði annars látið drabbast fram yfir jól (eða þarnæstu jól). Við fengum heimsendan prest - Örn Bárð - og jós hann vatni í gríð og erg og stóð sig bara nokkuð vel (hjúkk, ég var næstum búinn að skrifa "ansi vel"). Eysó systir bakaði súkkulaðitertur, tengdó púðursykurs og bananatertur og við (Íris) bökuðum skírnartertu, túnfisktertu og slatta af brauðrúllum. Ekki er langt í að ég nái 120 kílóunum í að gjörnýta afgangana. 120 kallinn!

Nú er bara að finna tíma til aðð hamast í Aggapósternum. Flýg út á laugardag - jeijei. Ég lá á netinu (í netinu?) í gær og pantaði svefnpoka á mig og krakkana á rei.com. Snilldarbúð. Svo lætur maður bara senda frítt á hótelið!

yfir og út,
i-rod