Heimadagur

Jæja, krakkarnir eru lasnir og ég er heima í dag. Ljómandi ágætt. Ég fór á Vogsósa í Selvogi í gær að gera við og það var annnnssssssi kalt. Brrrrr. Það er nú samt kosturinn við Land Rover að maður fer í bangsagallann áður en maður fer af stað svo að maður þarf ekki að baksast í því úti eða hafa áhyggjur af því að manni verði of heitt í bílnum! Eins og Erik segir: "How could they ever win the war?".

Jólin voru ágæt en óvenjuleg. Tengdapabbi í Danmörku lést á jóladag og við Íris fórum út til Kaupmannahafnar í jarðarförina milli jóla og nýárs. Við komum aftur heim á gamlársdag og keyptum í gamlársmatinn á Kastrup! Léttreykt kalkúnabringa - mmmmmm. En maður er svosem alveg kominn með nóg af þessum reykingum.

Jæja, nú þarf ég að fara að sinna krökkunum! Þuríður er að drekka "óhollt vatn"! Hvað er það nú eiginlega?

-Dri