T-rex er endurfædd!

Doddo domm dommmmmm! Það er eitt stykki T-rex á heimilinu. Ragnheiður Hvanndal bókstaflega elskar kjöt. Kindakjöt, nautakjöt, lambakjöt, kjúklingakjöt, svínakjöt - nammmm! Ekkert tófú takk. Hún pikkar hamborgarann úr hamborgarabrauðinu, pulsuna úr pulsubrauðinu og finnur alla kjötbita innan um kartöflubita. Carnivarius. Annars er þetta voða skemmtilegur tími, maður er farinn að fá svolítið fídbakk fyrir fíflalætin og farinn að sjá aðeins í persónuna hana Ragnheiði.

Við fórum í vikuferðalag um daginn, tvær nætur á Kirkjubæjarklaustri í bústað og fimm í tjaldi í Þjórsárdal. Helvíti gott ferðalag en mikið rosalega var gott að koma heim og sofa í rúminu sínu! Kíktum á Stöng, Þjóðveldisbæinn, sund í Landmannalaugum (og víðar - mæli með sundlauginni í Árnesi). Mikið er alltaf gaman að koma inn í Laugar. Þennan dag var skúraveður með sólarglennum og litirnir voru alveg geððveikir. Jahá. Mikið hlustað á Traust og Trygg - Gullborgin gekk hring eftir hring. Gunni og Felix rúla.

Jæja, nú er leti - Friends komnir í gang og svona. Á mánudag fer ég norður fram á föstudag í vinnuferð. Ráðstefna í Vík um helgina og svo eldfjallarástefna vikuna á eftir, sem betur fer í Reykjavík. Crash and burn eða þannig... en núna er (smámælt) "vinastund".

yfir og út
i-rod